स्वास्थ्यको बाकी समायोजन : प्रशासनलाई जिम्मा ३५०० लाई पहिलेकै स्थान !

स्वास्थ्य तथा जनसंख्या मन्त्रालय अन्र्तगत रहेको कर्मचारी समायोजन गुनासो समाधान समितिले मात्र कर्मचारीहरुको समायोजन गर्दा  धेरै दिन लाग्ने भएपछि आइतबारबाट उक्त जिम्मेवारी कर्मचारी प्रशासनलाई दिइने भएको छ ।
स्वास्थ्य तथा जनसंख्या मन्त्री भानुभक्त ढकालले तत्काल समायोजन सक्न निर्देशन दिएसंगै गुनासो समाधान समितिका संयोजक महेन्द्र प्रसाद श्रेष्ठ कर्मचारीहरुको गुनासो सम्बोधन गरी समायोजन गर्नका लागि दिनरात खटिनुभएको छ ।

गुनासो समाधान समितिले मात्र समायोजन गर्दा अझै महिनौ लाग्ने भएपछि आइतबारबार (भोली)बाट उक्त जिम्मेवारी कर्मचारी प्रशासनलाई दिएको मन्त्रालयका एक उच्च पदाधिकारीले जानकारी दिनुभयो ।

हाल स्वास्थ्य तर्फ गुनासो समाधानको लागि कर्मचारीको अभाव भएकोले समायोजनको जिम्मा प्रशासनलाई दिएको हो । कर्मचारी प्रशासनलाई समायोजनको जिम्मा दिएको खण्डमा पनि अझै एकसाता लाग्ने छ ।

मन्त्रालयका उच्च अधिकारीका अनुसार उपत्यकामा २० जना देखि २५ जनासम्म मात्र समायोजन गर्न सकिने छ । उपत्यका बाहिरको हकमा भने मागेकै ठाउँमा कर्मचारीहरुले समायोजन हुन पाउनेछन् । ३५ सय कर्मचारीको समायोजन सम्बोधन हुन बाँकी रहेकोमा बढीमा १५ सय जनाको मात्र उनीहरुले भनेको ठाउँमा समायोजन हुन सक्ने मन्त्रालयले जानकारी दिएको छ ।
बाँकी कर्मचारीहरुलाई पहिल्यै समायोजन भएको ठाउँमा जानुपर्नेछ ।हेल्थपाटी